2009-cu ilin başa çatmasına bir neçə saat vaxt qalır. Ötən ilə bir nəzər yetirmək və düşüncələrimi yazıda əks etdirmək istədim. Başa çatmaqda olan ili bütövlükdə uğurlu hesab etmək olar. Həm şəxsi, həm də ümumi müstəvidə… Şəxsi müstəvidə ilin ən uğurlu hadisəsi bələdiyyə seçkilərində iştirakım və seçkidən qaliblər sırasında ayrılmağım oldu, desəm yəqin ki, səhv etmərəm. Bu seçkili orqanın növbəti 5 illik fəaliyyətində iştirak etmək hüququ qazanan gənc dostlarımla birgə Azərbaycanda bələdiyyə işinin təkmilləşdirilməsində, bələdiyyələrin fəaliyyətində yenilikçi düşüncələrin tətbiqində pay sahibi olmağın verdiyi haqlı qüruru yaşayırıq. Bu qüruru bizə yaşatdığı üçün gənclərə dəstək olan bütün insanlara təşəkkürümü çatdırır, göstərdikləri etimadların hədər getməyəcəyindən əmin olmalarını istəyirəm.
Bu gün həm də Dünya Azərbaycanlılarının həmrəylik günüdür. Birlik və bərabərliyimizin təcəssümü olan bu günün Azərbaycan tarixində, xalqımızın həyatında yeri və rolu əvəzsizdir. Başa çatmaqda olan ilin son günü və başlayacaq yeni ilin əvvəlinə təsadüf edən bu gün həm də hər bir insanın özünü, bir illik fəaliyyətini hesaba çəkmək və növbəti ildəki planlarını müəyyənləşdirmək baxımından da əhəmiyyətlidir. Xalqımızın hər bir fərdinin təkcə bu gün deyil, ilin hər bir günü həmrəylik barədə düşünməsi və həmrəy olması arzusu ilə bayramınızı təbrik edir, yeni təqvim ilində yeni-yeni uğurlar arzu edirəm.
Size ve tüm Azerbaycan’a Türkiye’den selamlar ediyorum.
Türkiye ve Azerbaycan iki Müslüman ülkedir.
İki dost ve kardeş ülkedir.
Bu iki güzel ülke daha güzel günler görecek inşallah.
Posted by videosu izle | 07/01/2010, 00:13