Dəyişiklik şüurlarda başlamalıdır!
Ən son yazı
Kimdir günahkar: sürücülər, yoxsa sərnişinlər???
Bir müddət əvvəl ictimai nəqliyyatda rastlaşdığım bir hadisə nəinki avtoş sürücülərin, hətta heç avtoş olmayanların da düzəlmələrinin qeyri-mümkünlüyü qənaətinə gəlməyimə səbəb oldu. Bu problemin həllinin yeganə səbəbi sərnişinlərdir!!!
Deməli belə, dayanacaqdan kənarda saxlayan və yolboyu ağzının danışığını bilməyən 261 nömrəli marşrutun sürücüsünə “Niyə dayanacaqdan kənar saxlayırsız? Harda dayanacaq varsa, orda saxlayın” dedim. Əksər sərnişinlər sanki onları təhqir edirmişəmmiş kimi sürücünün tərəfini tutdular və “yaxşı edir” dedilər!!! Şokdaydım…
Eyni sürücü yolboyu etikadan kənar müxtəlif ifadələr işlədərək, özlüyündə sərnişinlərinin “könlünü oxşadığını” düşünür və hətta ucadan mahnı oxumaqdan belə çəkinmirdi. Sərnişinlərimiz isə, heç deyiləsi deyil… Sürücünün bu hərəkətlərinə etiraz etmək əvəzinə, bəzi sərnişinlər onun hərəkətlərinə qarşılıq verirdilər… Təəssüf ki, bu vəziyyət hər gün davam edir…
261 nömrəli marşrutun həmin sürücüsünü yəqin ki, o marşrutdan davamlı istifadə edən sərnişinlər yaxşı tanıyır.
Düşünürəm ki, bizim insanlarımız mövcud problemlərin həllini özləri beyinlərində həll etməyincə, heç nə düzələn deyil!!! Dəyişikliklər şüurlarda başlayır!!! Həyatınızı dəyişmək istəyirsinizsə, düşüncələrinizi dəyişin!!!
OXUNMALI
Layihə çərçivəsində müsahibimiz BDU-nun Politologiya kafedrasının doktorantı, “İRƏLİ” İctimai Birliyinin İdarə Heyətinin üzvü Mayis Musayevdir. M.Musayev bizimlə söhbətinə fəaliyyəti ilə bağlı qısa tanışlıq verməklə başladı:
- Orta təhsilimi Nəsimi rayonundakı Mehdi Hüseynzadə adına 19 saylı orta məktəbdə başa vurduqdan sonra Bakı Dövlət Universitetinin politologiya ixtisasına daxil olmuşam. Bakalavriat təhsilimi bitirdikdən sonra hərbi xidmətə getmişəm. Qayıtdıqdan sonra Bakı Dövlət Universitetinin Politologiya kafedrasında Milli Təhlükəsizlik və Siya Strategiya ixtisaslaşması üzrə magistratura təhsili almışam. Hal-hazırda BDU-nun Politologiya kafedrasının doktorantıyam. “Xəzəryanı dövlətlər müasir geostrategiyada” mövzusunda elmi iş üzərində çalışıram. Mövzu ilə əlaqədar yerli və beynəlxalq jurnallarda, konfrans materiallarında 20-yə yaxın elmi məqalə və tezislərin müəllifiyəm.
- Azərbaycan təhsili ilə bağlı hansı fikirləriniz var?
- Müstəqilliyini bərpa etdikdən sonra ölkəmiz demək olar ki, bütün sahələrdə yeniləşmə yoluna qədəm qoydu. Bu yeniliklər, bütün digər sahələrdə olduğu kimi, təhsil sahəsində də özünü büruzə verdi. Həm orta, həm də ali təhsil müəssisələrində tədrisin keyfiyyətinin mahiyyətcə yeni formaları tətbiq edilməyə başlandı. Təbii ki, müstəqilliyini yeni qazanmış, ictimai-siyasi sistemi tamamilə dəyişmiş bir ölkədə bir çox sahələrdə boşluqların da olması labüddür. Bu gün Azərbaycan təhsil sistemində də doldurulması vacib olan boşluqlar var. Ancaq son illər təhsil sistemimizdə aparılan islahatlar bu boşluqların aradan qaldırılmasına yönəlib və gələcəyə ümidlə baxmağımıza imkan verir. Orta məktəblərdə buraxılış imtahanlarında tətbiq edilən yenilikləri, ali təhsilin keyfiyyətinin artırılması üçün Bolonya sisteminə keçidi xüsusilə qeyd etmək yerinə düşər. Çünki təhsilin keyfiyyəti nə qədər yüksək olarsa, ixtisaslı kadrların səviyyəsi də o qədər yüksək olacaq. Bu isə ölkəmizin gələcək inkişafı üçün vacib olan insan kapitalının formalaşmasına və davamlılığına təminat verəcək. Continue reading
Düşünürəm ki, ABŞ xüsusi kəşfiyyat idarələrinin bu məsələdə “barmağı” istənilən halda var. Diqqətlə analiz etməyə çalışsaq görərik ki, bu sənədlərin açıqlanmasında bir neçə məqsəd olub. Onlardan bəzilərinə nəzər yetirək:
1. ABŞ-ın əslində o qədər də hegemon olmadığını göstərmək və gözdən salmaq
Bu məqsədi əsas götürsək, sənədlərin ABŞ-ın özü tərəfindən açıqlanması ehtimalı zəifləyir. Belə olan halda hədəf ya Rusiyanın, ya da Mossadın üzərinə yönəlir. İsraillə bağlı sənədlərin hələlik açıqlanmaması hədəfin Mossada yönəlmə ehtimalını artırır. Son vaxtlar Türkiyə ilə İsrail arasında münasibətlərdə yaranmış gərginlik də bunu düşünməyə əsas verir. İsraili Türkiyənin isti münasibətlərdə olduğu ölkələrlə əlaqələrinin pozulmasında maraqlı olan tərəf saymaq olar.
SEÇİLMİŞLƏR
- Mənim bu şəhərdə kimim var axı? Hər qapı döyməyə üzüm gəlməyir Üzümü taleyə tutub gedirəm Tale də həmişə üzə gülməyir. Ayağım altında tanış şəkillər Önümdə açılan mənzərə bozdur Çoxdan köhnəlibdir əynimdəkilər Nə qədər çırpsam da yenə də tozdur. (davamı...)
ŞƏRHLƏR